بسم الله الرحمن الرحيم
اخوتي اخواتي الاعزاء اليوم لقاء مع رابرية ليبيا اي مغني الراب الليبين تلاته منهم اجريت معهم اللقاء على طول اسبوعين و اليوم اقدمه لكم لأول مرة على الشبكات
الرابرية و هم
queener
outlaw
baset_yoo
تعاونو معي في اللقاء و افادو بكل جديد لهم او قديم و رأيهم في الامور الاخرى
بدون اطاله اخوتي الكرام اقدم لكم اللقاء و ابتديه مع المتألق
q u e e n e r
انا : لسلام عليكم و رحمة الله خونا كوينر
كوينر : اهلين بيك
انا : شن امورك ان شاء الله تمام
كوينر : والله الحمد لله مشكور
انا : انا حاب ان نطرح عليك بعض الاسئلة و حاب تجاوبني عليها يعني زي الصحفيين
كوينر : اوكى اسئل على راحتك
انا : اولا علاش اغانيك قلو في الفترة الاخيرة
كوينر : والله مشغول شوي بالدراسة و تسجيل الالبوم الجديد
انا : البوم راب ليبي؟
كوينر : الالبوم انجليزي و تشيكي و حينزل في اسواق التشيك و سلوفاكيا و روسيا و المانيا و النمسا
انا : تقصد انك تغني بالتشيكي
كوينر : انا حاليا مقيم و ندرس في التشيك و نغني تشيكي لكن في الالبوم اغانية انقليزي بس
انا : لكن انت قلت انجليزي و تشيكي
كوينر : اي لكن الالبوم مش انفرادي حيكون بالاشتراك مع رابر تشيكي و طبعا قروبنا هو بيس انليميتد مع دي جي ال
انا : حلو يا مان ان شاء الله بالتوفيق
كوينر : شكرا
انا : خونا كوينر نبي نسئلك عن سبب عدم ردك علي السعوديين و العراقيين و الاماراتيين و غيرهم من الخليجيين اللي نزلو عليك دسات
كوينر : يا راجل قداش بترد و بعدين ردي على عبادي يكفي و بشهادة الجميع و كان بترد على كل واحد معش تسلك
انا : كلمة تقولها لجمهورك في ليبيا
كوينر : و الله الجمهور اهم شي بالنسبة لي و على عيني و راسي كلهم
انا : شن مشاريعك المستقبلية
كوينر : الالبوم و من بعده على طول حيبدا الشغل على الالبوم الثاني
انا : و الالبوم التاني بيكون فيه راب ليبي؟
كوينر : لا ماعتقدش
انا : يعني بتفوت الراب الليبي؟
كوينر : لا اكيد حيكون في اغاني
انا : مشكور كوينر
انا : ممكن طلب؟
كوينر : تفضل
انا : ممكن ترسلي صور ليك؟
كوينر : تمون لكن والله مستعجل شوي خليها مرة تانية
انا : اوكي و مشكور على سعة صدرك
كوينر : لا عادي ولا يهمك
رابر متواضع ليه مني كل الود و الاحترام
والان مع الصغر سنا من بين الرابرية التلاته
o u t l a w
انا:السلام عليكم خوي اوتلوو
outlaw: وعليكم السلام
انا :ممكن نسألك كم سؤال عادي ولا
outlaw:ممم تفضل
اناutlaw ممكن تحكينا على بدايتك في الراب و من الناس اللي وقفت معاك في فيترة البداية
outlaw:وعليكم السلام يا خوي والله بدايتي كانت في منتدى راب فور ليبيا لقيت الشباب يبو يغنو و يديرو استيدويو لقيتها حلوة الفكرة و اني من زمان نسمع في راب و في الفترة هديكا كانت اغاني الراب الليبي شوية مش زي توا مشاء الله فزادت لما سمعنا شباب ليبي يغني زادت الفكرة و الرغبه عندي على المهم يا مان بديت نكتب في الاغاني و مرة سجلت تسجيل بس اغنية كاتبها و طبعا ملقيتش تشجيع من حد الا في الردود لقيت 3 او اربعه بس اللي هما خوي مستر تايلور و ناز تي حتى هوا رد عليا بتشجيع و الباقي معاش نتدكر على المهم كملت و كان اقرب شخص ليا واقف معاي هوا مستر تايلور كان في نفس حالاتي لكن كانت الفكرة عنده اكتر مني يعني يعرف حاجات مكنتش نعرفها هديكا الفترة و هوا اللي عرفني على جي سترييت و من هديكا بدينا اصحاب مرت الايام سجل جي سترييت وحده و مستر تايلور وحده و بعدهم اني كانت بعنوان هدا اللي نتمنى فيه و كانت من تسجيل جي سترييت
اناutlaw علاش انتا مختفي في الساحه الفترة هيا
outlaw:والله يا خوي شوية ضروف كنت مخطط اني نغني مع اكتر من رابر في اكتر من اغنية لكن في اللي بدي مغرور و بعدين جت الامتحانات و بعدها سافرت مقدرتش والله
انا:في جديد ولالا
outlaw:اكيد في جديد انشاء الله في البوم كامل حيحتوي من سته الى حداش اغنية و حيكون فيه باسط يوو و توباك بيبي و الله اعلم من معاهم تاني و حيكون انشاء الله في وجوه جديدة زي ليل فور قروب و الاوفول و انشاء الله يجيب ربي اللي فيه الخير
اناutlaw شن احسن اغنية غناها
outlaw:احسن اغنية اللي هيا الاف ميل كانت تاني اغنية ليا و كانت من تسجيل خوي ليل عالم و غنائي انا و باسط يوو و نحب نقول انه في الالبوم انشاء الله في الالف ميل الجزء التاني و اني ناوي انشاء الله يكون في تالت و رابع انشاء الله
اناutlaw انتا مش في فرقة حاليا علاش خليت فرقتك هل هوا غرور او شن
outlaw:هههههههههه لالالالالالالا لا غرور لا شي يا خوي علاش التهمه هيا القصة و بما فيها سوء تفاهم بسيط كبر مع الوقت فقلت احسن شي نخلي الفرقة لكن قعدين احباب و اصحاب مع الفرقة و يكون في علمك اني انشاء الله مش حنتعارك مع حد فيهم
اناutlaw هل في نشاطات في السنه هيا او لا
outlaw:?????????
انا:يعني في حفلات او حاجة زي هكي ليك او حتى للرابية التانيين
outlaw:والله يا خوي انشاء الله في حفلة حنكون فيها اني و باسط و مجموعه من الرابرية في بزار مدرسة دنيا الابداع و الكلام مش مؤكد لكن انشاء الله و حتكون في حفلة تانية في عيد الطفل في مدرسة اعدادية اما حفلات الرابرية اكيد فيه لكن وين و امتى مش عارف العلم عند الله يا خوي
اناutlaw من اقرب واحد ليك في الراب في الفترة
outlaw:حبيبي باسط يوو طبعا و في بعده ليل عالم و كوينير و جي ستريت و مجموعه كبيرة الحمد لله
اناutlaw شكرا ليك و على تعاونك معي و نتمنالك التوفيق
outlaw:اوكي ولا يهمك بالعكس اني نتأسفلك ادا كان كلامي هلبة ولا حاجة ههههههههههه
انا:لا مشكور ولا مفي شي من اللي تقول فيه
outlaw:به امنع هي
انا:حاضر هههههههه شكرا ليك
والان مع المبدع
baset_y0o
انا:باسط يوو سلام عليكم
base_yoo:و عليكم السلام هلا
انا:نخشو في الموضوع باسط مش خير
baset_yoo:يا ريت و الله ههههههههه
انا: باسط كلمنا على بدايتك في الراب
baset_yoo:بدايتي كانت مش زي بداية الرابرية الكبار اللي توا كانت بدايتي بالصدفة اني قررت نغني و تعرفت على توباك بيبي و بعدها لقيت اوتلوو مدايرلي اضافه على الياهوو ضفته و قعد نهدرز معاه و تعاركنا على الياهوو هههه و بعدها قعدنا نتكلمو شوي بعتلي اغنيته اول اغنية ليه سمعته عجبتني الحق كنا كلنا مبتدئين هديكا الفترة و مشت الايام جي يوم مننساه بكل اللي هوا تلاقينا اني وياه في البلاد بالتحديد في الساحه جي واحد نفخهم شوية هربنا منه هههه بعدها سمعني لحن و قعد يغني عليه كان لحن الالف ميل و في مقطع فاضي فقتله شن رايك نخش معاك فيه قلي اوكي فش مشكلة كلم ليل عالم و مشينا و غنينا الف ميل و من هديكا طلعت للناس
انا:و بعدين
baset_yoo:بعدين اوتلوو انضم لفرقتنا و غنينا اغنية الصيف و غنينا بعدها لكن توا كل واحد مشي على حاله اني بروحي و اوتلوو بروحه و الباك داون بروحه اللي هوا توباك بيبي
انا:باسط نبي شن رايك في الراب الليبي
baset_yoo:الراب الليبي يا عزيزي راب كويس حلو لكن مهما كانت بداياته يعتبر جديد
انا:باسط اخر شي درته
baset_yoo:اخر شي في اغنية نزرتها اليوم بعنوان عين زارة ويست و في البوم بيطلع
انا:احسن اغنية غنيتها بأعتبارك مغني انواع هلبة من المواضيع
baset_yoo:الف ميل الجزء التاني و حتى الجزء الاول لكن الالف ميل الجزء التاني غنيتها بقلب و بعدها اغنية حياتي مع ليل عالم من اسود الصحراء
انا:به ممكن نسمعها
baset_yoo:لا حبيبي سامحني من الالبوم منقدرش والله
انا:باسط شن علاقتك بأغنية طعم الالم
baset_yoo:يا حبيبي طعم الالم من احسن الاغاني اللي غنيتها تحكي على اللي صار معاي مع الكبيدة هههه
انا:باسط انتا اقرب واحد لي اتولوو زي ميقول من اقربلك واحد انتا
baset_yoo:اكيد هوا و في اسود الصحراء و جي سترييت و دي او اي و مستر رووف و كلهم اصحابي و خوتي والله
انا:منور باسط نتمنى نكون متقلتش عليك
baset_yoo:لالا ولا يهمك خوي و انتا سامحني النت ضعبف عندب منرد عليك الا بعد شياط الريق
انا :لالا ولا يهمك هي شكرا ليك و السلام عليكم
كانت هادي هيا اللقائات انشاء الله تكونو استمتعتو و عرفتو اكتر عن الرابرة اللي كانو معانا[b][center]